Denis kom inn á í hálfleik fyrir Thomas Nielsen, en þeir hafa verið að deila mínútunum upp á síðkastið. Hann gerði sér lítið fyrir og varði tvær spyrnu FH-inga í vítaspyrnukeppni sem tryggði Víkingum sigur.

,,Gott að fá svona alvöru leik, það var skemmtilegt að koma inn í þetta í hálfleik - mikill hasar og hraði."

,,Það er fín tilbreyting að fá að spila meira og taka þátt í þessu. Ég er búinn að fá nóg af bekknum á mínum stutta ferli og ég hugsa að ég vilji fyrst og fremst spila."

,,Það er mikilvægt að fara eins langt og við getum á þessu móti og bara vinna það. Það er fyrst og fremst markmið okkar að fara í öll mót og vinna þau."