,,Það eru vonbrigði að fá eitt stig út úr leiknum. Við gerum þá kröfu á okkur á heimavelli að við séum að vinna þessa heimaleiki," sagði Heimir Guðjónsson þjálfari FH eftir 1-1 jafntefli við ÍBV í kvöld.
,,Mér fannst fyrri hálfleikurinn að mörgu leiti ágætur og við komumst sanngjarnt yfir. Við vorum klaufar í lok fyrri hálfleiks að hleypa þeim inn í leikinn."
,,Það var engin ástæða til að selja sig, við þurftum bara að halda skipulaginu og klára hálfleikinn. Seinni hálfleikur var mjög slakur."
Heimir var spurður hvort hann hefði mátt skipta fyrr í leiknum?
,,Ég held við höfum skipt eftir sextíu og eitthvað mínútur. Ég met þetta þannig að það þarf ákveðna þolinmæði líka. Það þýðir ekki að henda öllu fram og vona það besta. Það er ekki eins og það séu einhverjir pappakassar í þessu ÍBV liði."
Guðjón Árni Antoníusson fékk að líta rauða spjaldið seint í leiknum fyrir tæklingu.
,,Mér fannst það ekki rautt spjald. Ég held að viðbrögð Guðjóns Árna hafi sýnt það."
Nánar er rætt við Heimi í sjónvarpinu að ofan.
