Þorvaldur Örlygsson og hans menn í Fram fengu eitt stig á Vodafone-vellinum í kvöld, eftir orrustu gegn Val. Lokatölur 1-1 í kaflaskiptum leik. Framarar áttu fyrri hálfleikinn á meðan Valsarar jöfnuðu í byrjun seinni og voru eftir það alltaf líklegri að komast yfir.
Lestu um leikinn: Valur 1 - 1 Fram
,,Við vorum töluvert sterkari aðilinn í fyrri hálfleik á knattspyrnusviðinu og svekkjandi að fara ekki inn í hálfleik með fleiri en eitt mark. Við áttum góða séns en að sama skapi var gott að fara inn í hálfleik með forystu og vera með völdin á leiknum."
,,Síðan komum við út í seinni hálfleik og gerum okkur seka um sofandihátt og hleypum þeim inn í leikinn og gefum þeim smá líf. Eftir það erum við að elta þá í 20-30 mínútur," sagði Þorvaldur um gang mála í leiknum.
Þorvaldur vildi sjá Valgeir Valgeirsson dómara leiksins flauta vítaspyrnu undir lok leiks þegar boltinn fór í hendi Valsmanns, einnig nefndi hann það að Matar Jobe hafi átt að fjúka útaf með rautt spjald eftir tveggja fóta tæklingu í fyrri hálfleik.
Viðtalið við Þorvald er hægt að sjá í heild sinni, í sjónvarpinu hér að ofan.
