Keflvíkingar komnir á blað í Pepsi deildinni
Þrjú mörk á síðustu 25 mínútunum sneru tapi í sigur
"Við byrjuðum ekki leikinn nógu vel, við vorum sofandi fyrstu fimm mínúturnar og einfaldlega ekki mættir" sagði Zoran Daníel Ljubicic eftir sigur sinna manna í Ólafsvík í kvöld.
Við vorum svo heppnir fyrstu 15 mínúturnar í seinni hálfleik en þegar við jöfnuðum tókum við öll völd á vellinum og unnum sanngjarnan sigur í dag.
Zoran var glaður með framlag sinna manna í lokin, sérstaklega minntist hann á framlag kempunnar Jóhanns Birnis sem setti tvö fyrstu mörkin í 1-3 sigri Keflvíkinga í Ólafsvík.
"Ef við fáum Jóa eins í fleiri leiki eins og í dag verð ég mjög sáttur og þá getur ýmislegt gerst"
Nánar er rætt við Zoran í myndbandinu sem fylgir með þessari frétt.
