Devon Már Griffin, leikmaður ÍBV var borinn af velli í 1-0 sigri liðsins gegn Víkingi Reykjavík í Pepsi-deildinni um helgina.
Nú er komið í ljós að hann er brotinn og þarf að fara í aðgerð. Hann mun væntanlega ekki leika meira á þessu tímabili.
Þatta staðfestir Sunna Sigurjónsdóttir, framkvæmdastjóri knattspyrnudeildar í samtali við Eyjar.net.
„Það er ömurlegt að missa hann og finnum við mikið til með honum." segir Sunna ennfremur.
Þessi ungi varnarmaður er fæddur 1997 en hann var í byrjunarliðinu gegn Víkingum en fór meiddur af velli í uppbótartíma fyrri hálfleiks. Hann hefur spilað 9 leiki fyrir ÍBV í efstu deild og þá á hann tvo leiki fyrir U17 landslið Íslands.
Eyjamenn eru með fjögur stig að loknum þremur fyrstu umferðunum.
Athugasemdir