Gylfi Þór Orrason, einn harðasti West Ham stuðningsmaður landsins og fyrrum dómari, er óánægður með að David Moyes verði ekki áfram við stjórnvölinn á næsta tímabili.
Moyes tók við West Ham af Slaven Bilic í nóvember og skilaði liðinu í 13. sæti ensku úrvalsdeildarinnar.
Moyes tók við West Ham af Slaven Bilic í nóvember og skilaði liðinu í 13. sæti ensku úrvalsdeildarinnar.
„Ég er óánægður með að David Moyes hafi ekki fengið að halda áfram og fá tækifæri til þess að byggja upp liðið á "sínum eigin leikmönnum". Í mínum huga bera núverandi eigendur félagsins meiri ábyrgð á vandræðum þess heldur en tveir síðustu framkvæmdastjórarnir," sagði Gylfi við Fótbolta.net í dag.
Stjóraleit er nú hafin hjá West Ham en hvern vill Gylfi fá í stjórastólinn fyrir næsta tímabil?
„Varðandi nýjan stjóra þá hef ég engan áhuga á því að fá Allardyce, Warnock, Pulis eða svoleiðis týpur til þess að stýra liðinu."
„Mér skilst reyndar eftir áreiðanlegum West Ham bloggara úti í Englandi að West Ham sé þegar búið að ræða við Paulo Fonseca, framkvæmdastjóra Shakhtar Donetsk. Mér skilst að Shakhtar hafi unnið alla titla í Ukraínu undanfarin þrjú ár eða svo, þannig að þar er varla á ferð neinn veifiskati."
Athugasemdir