Messi er að taka þátt á sínu fjórða Heimsmeistaramóti en fyrir 12 árum tók hann þátt á sínu fyrsta móti, í Þýskalandi. Messi var þá aðeins 18 ára að aldri.

Þann 16. júní spilaði Argentína við Serbíu og Svartfjallaland á HM og úr varð burst. Messi kom inn á sem varamaður á 75. mínútu og var búinn að skora á 88. mínútu.

Þetta var aðeins hans annað landsliðsmark en hann er núna kominn með 64 mörk í 124 landsleikjum. Messi spilar landsleik númer 125 í dag gegn Íslandi í Moskvu.

Af 64 landsliðsmörkum hans hafa fimm þeirra komið á HM. Vonandi bætist ekkert í hópinn í dag.

Smelltu hér til að fara í beina textalýsinga frá leiknum.