Heimild: Sky Sports
Sky Sports segist vita hvernig byrjunarlið Englands verður í fyrsta leik liðsins á HM í Rússlandi gegn Túnis mánudag.
Sky kveðst hafa heimildir fyrir því að Ashley Young, Jesse Lingard og Harry Maguire muni byrja leikinn.
Sky kveðst hafa heimildir fyrir því að Ashley Young, Jesse Lingard og Harry Maguire muni byrja leikinn.
Pickford í markinu - Þriggja manna vörn
Ef marka má heimildir Sky þá byrjar Jordan Henderson sem djúpur á miðjunni með Lingard og Dele Alli fyrir framan sig. Gareth Southgate, þjálfari Englands, mun stilla upp í þriggja manna vörn.
Kyle Walker byrjar í vörninni ásamt títtnefndum Maguire og John Stones. Kieran Trippier og Young verða vængbakverðir og Raheem Sterling og Harry Kane verða fremstu menn.
Jordan Pickford mun byrja í markinu fram yfir Jack Butland, en níu af þessum leikmönnum í byrjunarliði Sky Sports hafa aldrei spilað á Heimsmeistaramóti.
Marcus Rashford, sem hefur verið að glíma við meiðsli, mun ekki vera í byrjunarliði Englands.
Enland mætir Túnis eftir helgi, á mánudaginn, en auk Túnis er England í riðli með Belgíu og Panama.
Athugasemdir