Sigurbjörn Hreiðarsson, þjálfari Vals í Pepsi-deild karla, var sáttur með 1-0 sigur liðsins á Víkingum í kvöld en mótið er nú hálfnað.
Lestu um leikinn: Víkingur R. 0 - 1 Valur
Nicolas Bögild skoraði sigurmark Vals eftir laglegan undirbúning Andra Adolphssonar en Valsmenn eru í efsta sæti deildarinnar þegar ellefu leikir eru búnir.
„Við erum ótrúlega ánægðir með þetta að koma í Víkina á erfiðan útivöll. Þeir eru búnir að vera í þvílíkum gír og að koma hingað að vinna og halda hreinu og við erum ótrúlega ánægðir með frammistöðu leikmanna," sagði Sigurbjörn.
„Leikmenn þekkja sín hlutverk og vita hvað til þarf. Við vissum að við værum að mæta þéttu liði og gátum ekki gefið nein færi á okkur."
Patrick Pedersen spilaði sinn fyrsta leik með Valsmönnum í sumar en hann samdi við liðið fyrir skömmu síðan. Hann hefur átt góðar stundir í Valstreyjunni en Sigurbjörn var ánægður með hann.
„Mér fannst hún góð. Alltaf hægt að finna hann í fætur og taka skemmtilegar hreyfingar. Hann er ekki búinn að spila leik lengi en mér fannst hann gera þetta vel og hann er einn af betri leikmönnunum. Þegar hann var hér síðast þá var hann einn af tveimur eða þremur bestu leikmönnum í deildinni."
Haukur Páll Sigurðsson fór meiddur af velli í byrjun leiks hjá Valsmönnum en það er ekkert alvarlegt.
„Nei, það held ég ekki. Hann er búinn að vera stífur þarna og þetta hefur haldið. Hann stífnaði aðeins," sagði hann í lokin.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir