Danmörk 1 - 0 Belgía
1-0 Sanne Troelsgaard ('6)
1-0 Sanne Troelsgaard ('6)
Nú er fyrsta leikdegi á Evrópumóti kvenna í Hollandi lokið.
Gestgjafar Hollands lögðu Noreg í fyrsta leik sínum, 1-0, fyrr í dag, en nú var leik Danmerkur og Belgíu í sama riðli, A-riðli, að ljúka.
Fyrir leikinn var búist við sigri Danmerkur og það gekk eftir.
Danir, sem eru í 15. sæti á heimslista FIFA, komust yfir eftir sex mínútur þegar Sanne Troelsgaard skoraði.
Lið Belgíu reyndi hvað það gat til að jafna, en það tókst ekki, lokatölur 1-0 fyrir Danmörku í þessum leik.
Þessi fyrsti mótsdagur var kannski ekki alveg sá fjörugasti fótboltalega séð, en aðeins tvö mörk voru skoruð í tveimur leikjum.
Athugasemdir