Freyr Alexandersson, Fanndís Friðriksdóttir og Hallbera Guðný Gísladóttir sátu fyrir svörum fjölmiðlafólks á fréttamannafundi við æfingasvæðið í morgun.

Þau komu hjólandi á fréttamannafundinn ásamt Óskari Erni Guðbrandssyni, fjölmiðlafulltrúa liðsins.

Eftir að fundi lauk fóru Freyr og Fanndís í spyrnukeppni á hjólunum en skemmst er frá því að segja að Fanndís fór með sigur af hólmi.

Hér má sjá skemmtilegar myndir sem Hafliði Breiðfjörð, ljósmyndari og ökumaður Fótbolta.net, tók.

Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.