Seinni leik kvöldsins í Pepsi-deild karla var að ljúka. Víkingur Reykjavík fékk topplið Vals í heimsókn.
Patrick Pedersen kom beint inn í byrjunarlið Vals, en hann á að færa Hlíðarendapiltum mörk.
Honum tókst ekki að skora í kvöld, en landa hans Nicolas Bogild tókst að gera það. Hann skoraði sigurmark Vals á 76. mínútu.
„VALSMENN TAKA FORYSTU MEÐ LAGLEGU MARKI!!! Andri keyrði inn í teiginn hægra megin, lék sér að varnarmönnum Víkings áður en hann lagði boltann snyrtilega fyrir Bögild sem skoraði af stuttu færi. Víkingar gátu lítið gert í þessu," sagði Brynjar Ingi Erluson í beinni textalýsingu á Fótbolta.net þegar Valur skoraði.
Leikurinn var tíðindalítill fyrir utan þetta eina mark og Valsmenn eru áfram á toppi deildarinnar. Þeir eru með tveggja stiga forskot á Grindavík, sem er í öðru sæti, en Víkingur R. er í sjötta sæti.
Sigur og við tryggjum toppsætið út þessa umferð!! #áframhærra #pepsi365 #fotboltinet
— Valur (@valursport) July 16, 2017
Athugasemdir