„Við urðum að vinna hann (leikinn) en gerðum það ekki. Við vorum ekki nógu ákveðnir í okkar leik frá upphafi en náðum svo sem að komast aðeins inn í fyrri hálfleikinn og aðeins inn í seinni en náðum ekki að nýta þessi hálffæri eða færi sem við fengum og það skiptir gríðarlegu máli" sagði Kristján Guðmundsson þjálfari ÍBV eftir tap sinna manna gegn Víkingi Ólafsvík.
„Þetta er ekki fyrsta skipti sem við lendum í því að andstæðingur er rekinn útaf og við erum einum fleiri og fáum á okkur mark. Það er bara ekki gott."
„Þetta er ekki fyrsta skipti sem við lendum í því að andstæðingur er rekinn útaf og við erum einum fleiri og fáum á okkur mark. Það er bara ekki gott."
Lestu um leikinn: ÍBV 0 - 1 Víkingur Ó.
Víkingar dældu mikið af fyrirgjöfum inn í teig Eyjamanna en það var ekkert sem Kristján hafði áhyggjur af. „Við höfðum ekkert áhyggjur af þessari spilamennsku en þarna sofnum við á verðinum einum fleiri og þetta er svo dæmigert fyrir knattspyrnuna að detta út á þessu augnabliki og boltinn fer bara þarna á milli varnarmanna og hann nær að skalla hann."
Spurður hvort ÍBV verði í Pepsi deildinni 2018 svaraði Kristján: „Já, enn sem komið er en við erum komnir í störukeppni við falldrauginn og við verðum að vinna þá keppni."
Viðtalið í heild sinni má sjá hér að ofan.
Athugasemdir
