Ótrúlegt atvik átti sér stað í fjórðu deildinni í Sviss um helgina í leik FC Baten og Muri. Stuðningsmenn Baden náðu þá að stela vatnsbrúsanum hjá Reto Felder markverði Muri.
Óprúttinn stuðningsmaður pissaði síðan í brúsann áður en stuðningsmennirnir settu hann aftur á sinn stað.
Óprúttinn stuðningsmaður pissaði síðan í brúsann áður en stuðningsmennirnir settu hann aftur á sinn stað.
Felder tók ekki eftir neinu og fékk sér í kjölfarið tvívegis sopa úr brúsanum.
,,Ég hef aldrei lent í neinu svona. Þetta er ógeðslegt. Þegar ég tók sopa þá áttaði ég mig á því að drykkurinn var heitur en ég hélt fyrst að það væri út af sólinni. Þegar ég tók annan sopa áttaði ég mig á því að það var eitthvað að," sagði Felder reiður eftir leik.
Felder fór á spítala þar sem hann fór í prufur til að athuga hvort hann hefði smitast eftir sopann.
Forráðamenn Muri hafa hins vegar hafið leit að stuðningsmanninum sem pissaði í flöskuna en meðal annars á að skoða myndatökur úr öryggismyndavél á vellinum. Ef sökudólgurinn finnst á hann yfir höfði sér ákæru.
Athugasemdir