Romulo gerði eina mark leiksins er Verona vann botnslaginn gegn nýliðum Benevento í síðasta leik 8. umferðar ítalska boltans.

Gestirnir frá Benevento misstu miðvörðinn Luca Antei af velli á 37. mínútu eftir tæklingu, en dómurinn þótti afar harður.

Pietro Iemmello, sóknarmaður Benevento, fékk tækifæri til að jafna leikinn eftir að Romulo hafði komið heimamönnum yfir en misnotaði færið.

Þetta var fyrsti sigur Verona á tímabilinu og er liðið einu stigi frá fallsæti. Benevento er sem fyrr stigalaust á botninum.