Gylfi Þór Sigurðsson, miðjumaður íslenska landsliðsins, var að vonum svekktur eftir 2-1 tap Íslands gegn Tékklandi í undankeppni EM 2016 í kvöld.
Ísland náði sér ekki nógu vel á strik í Plzen þrátt fyrir að hafa komist yfir snemma leiks og fyrsta tapið í undankeppninni varð á endanum staðreynd.
Ísland náði sér ekki nógu vel á strik í Plzen þrátt fyrir að hafa komist yfir snemma leiks og fyrsta tapið í undankeppninni varð á endanum staðreynd.
Lestu um leikinn: Tékkland 2 - 1 Ísland
„Leikskipulagið í fyrri hálfleik gekk ekki vel, við droppuðum of mikið niður og þeir fengu of mikinn tíma á boltanum. Við náðum aldrei að byggja upp neitt spil, ég og Aron komumst aldrei inn í leikinn. Við vorum oft að elta langa bolta,“ sagði Gylfi Þór við Fótbolta.net.
„Við spiluðum ekki vel en við vorum alltaf inni í leiknum. Ég held að það sýni styrk liðsins að eiga séns á að ná jafntefli á móti Tékklandi.“
„Við vissum að þetta yrði einn af þessum leikjum sem ég og Aron fengjum minna boltann. Þeir voru með þrjá á miðjunni og þeir pressuðu okkur hátt, sérstaklega í fyrri hálfleik. Þetta var kannski einn af þessum leikjum sem við vorum að reyna að vinna seinni boltana, það var lítið um spil.“
„Vörnin er búin að vera frábær í fyrstu þremur leikjunum og þetta voru kannski fyrstu tvö mistökin sem við gerum í þessum fjórum leikjum. Yfir allt er vörnin búin að vera frábær.“
Gylfi var hársbreidd frá því að jafna metin í 2-2 en gott skot hans fór í stöngina, Petr Cech og inn.
„Ég hélt að hann færi inn, en hann fór í stöngina og í Cech og beint til hliðar. Það er bara þannig. Ég hitti hann mjög vel og var að vonast að hann færi inn, en þetta var stöngin út.“
Athugasemdir