Gary Neville, sparkspekingur Sky Sports, mun starfa við að fjalla um HM í Rússlandi næsta sumar.
ITV hefur gert samkomulag við Sky um að fá Neville á lánssamningi og mun hann meðal annars starfa með fyrrum liðsfélaga sínum hjá Manchester United, Ryan Giggs.
ITV hefur gert samkomulag við Sky um að fá Neville á lánssamningi og mun hann meðal annars starfa með fyrrum liðsfélaga sínum hjá Manchester United, Ryan Giggs.
Neville spilaði á HM 1998 og 2006 með enska landsliðinu. Hann var í þjálfarateymi Englands á EM 2016, þar sem liðið tapaði fyrir Íslandi í 16-liða úrslitum.
Það er þekkt innan fjölmiðlaheimsins á Bretlandi að sérfræðingar séu leigðir milli sjónvarpsstöðva. Þetta er ekki algengt hér á Íslandi en Gummi Ben var þó leigður af 365 og á sjónvarp Símans á EM í fyrra.
Neville er af mörgum talinn besti sparkspekingur Bretlandseyja.
Ísland tekur þátt í HM í fyrsta sinn á næsta ári en dregið verður í riðla föstudaginn 1. desember.
Athugasemdir