Valencia gerði magnað 4-4 jafntefli við Rayo Vallecano. Fyrri leiknum lauk með 2-1 sigri Valencia á útivelli og þurfti því Rayo að ná góðum úrslitum á Mestalla, heimavelli Valencia í kvöld.

Paco Alcacer kom Valencia yfir á 8. mínútu áður en Rayo tók við sér en liðið gerði þrjú mörk áður en fyrri hálfleik lauk og því yfir í tveggja leikja rimmunni. Jorge Garcia Morillo gerði sjálfsmark í byrjun síðari hálfleik og hleypti Valencia inn í leikinn áður en Adrian Embarba bætti fjórða marki Rayo við.

Alcacer skoraði svo þriðja mark Valencia áður en spænski framherjinn Rodrigo jafnaði metin. Rodrigo var rekinn af velli svo tíu mínútum síðar með sitt annað gula spjald en lokatölur í kvöld 4-4 og Valencia því áfram 6-5.

Celta Vigo lagði þá Las Palmas 3-1. Las Palmas vann fyrri leikinn 2-1 en Celta tókst að koma sér áfram í kvöld. Joaquin Larrivey kom Celta yfir áður en Santi Mina bætti við öðru marki. Nauzet Alaman minnkaði muninn en Fabian Orellana kláraði leikinn með þriðja markinu.

Úrslit og markaskorarar:

Valencia 4 - 4 Rayo Vallecano
1-0 Paco Alcacer ('8 )
1-1 Jozabed ('20 )
1-2 Alejandro Pozuelo ('23 )
1-3 Jonathan Pereira ('38 )
2-3 Jorge Garcia Morillo ('47, sjálfsmark )
2-4 Adrian Embarba ('61 )
3-4 Paco Alcacer ('65 )
4-4 Rodrigo ('71 )
Rautt spjald: Rodrigo ('81, Valencia )

Celta Vigo 3 - 1 Las Palmas
1-0 Joaquin Larrivey ('19 )
2-0 Santi Mina ('50 )
2-1 Nauzet Aleman ('53 )
3-1 Fabian Orellana ('90 )
Rautt spjald: Artiles Oliva Aythami ('68, Las Palmas )