Um er að ræða endurtekinn leik og eru reglurnar þannig að leikmaður verður að hafa verið löglegur í fyrri leiknum til að geta spilað þann síðari. Barkley var ekki kominn með keppnisleyfi eftir félagaskipti sín frá Everton þegar fyrri leikurinn fór fram.

Barkley, sem er 24 ára, hefur ekkert spilað á þessu tímabili vegna meiðsla sem hann hlaut síðasta sumar.

Antonio Conte hafði í hyggju að láta leikmanninn byrja á bekknum í kvöld en gefa honum svo spiltíma. Nú er Chelsea að skipuleggja æfingaleik til að koma honum í leikæfingu.

Sjá einnig:
Borgarstjórinn fær svar frá lögreglunni vegna Barkley

Leikur Chelsea og Norwich í kvöld hefst 19:45. Cesc Fabregas verður ekki með Chelsea vegna smávægilegra meiðsla aftan í læri og Gary Cahill er tæpur.