Grikkinn Kostas Stafylidis, liðsfélagi Alfreðs Finnbogasonar hjá Augsburg, mætti á æfingasvæði Stoke í dag til þess að fara í læknisskoðun hjá félaginu.
Vinstri bakvörðurinn er sagður vera spenntur fyrir því að ganga til liðs við Stoke, sem situr í fallsæti í ensku úrvalsdeildinni. Þessi 24 ára leikmaður hefur fallið aftar í goggunarröðinni hjá þýska félaginu.
Stoke hefur verið í leit að vinstri bakverði þar sem Erik Pieters hefur misst af 5 af síðustu 6 leikjum liðsins vegna meiðsla.
Þetta mun vera fyrsti leikmaðurinn sem Paul Lambert, nýráðinn stjóri Stoke, fær til félagsins en um er að ræða lánssamning.
Stoke er í 18. sæti ensku úrvalsdeildarinnar með 20 stig.
Athugasemdir