Southampton verður á meðal liða í 8-liða úrslitum enska bikarsins eftir sigur á vandræðagemsunum í West Brom.
West Brom hefur fengið mikla fjölmiðlaathygli frá því í gær eftir að fjórir leikmenn liðsins stálu leigubíl í æfingaferð á Spáni. Þrír af leikmönnunum voru í hóp hjá West Brom í dag, en leikmennirnir sem frömdu verknaðinn eru Jonny Evans, Jake Livermore, Gareth Barry og markvörðurinn Boaz Myhill. Evans og Barry byrjuðu í dag.
West Brom hefur fengið mikla fjölmiðlaathygli frá því í gær eftir að fjórir leikmenn liðsins stálu leigubíl í æfingaferð á Spáni. Þrír af leikmönnunum voru í hóp hjá West Brom í dag, en leikmennirnir sem frömdu verknaðinn eru Jonny Evans, Jake Livermore, Gareth Barry og markvörðurinn Boaz Myhill. Evans og Barry byrjuðu í dag.
Svo fór að Southampton hafði betur. Hollenski varnarmaðurinn Wesley Hoedt kom Southampton yfir og Dusan Tadic bætti við öðru marki fyrir dýrlingana snemma í seinni hálfleiknum.
Salomon Rondon minnkaði muninn fyrir West Brom en lengra komust heimamenn ekki og lokatölur 2-1 fyrir Southampton.
Í hinum leiknum sem var að klárast komst annað úrvalsdeildarlið áfram, Brighton lagði Coventry.
West Brom 1 - 2 Southampton
0-1 Wesley Hoedt ('11 )
0-2 Dusan Tadic ('56)
1-2 Salomon Rondon ('58)
Brighton 3 - 1 Coventry
1-0 Jurgen Locadia ('15 )
2-0 Connor Goldson ('34 )
3-0 Leonardo Ulloa ('61)
3-1 Jonson Clarke-Harris ('77)
Leikur Huddersfield og Man Utd hefst 17:30. Smelltu hér til að skoða byrjunarliðin.
Athugasemdir