Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 17. febrúar 2018 16:25
Guðmundur Aðalsteinn Ásgeirsson
Indland: Guðjón byrjaði á meðan Berbatov var á bekknum
Mynd: Fótbolti.net - Hafliði Breiðfjörð
NorthEast United 0 - 1 Kerala Blasters
0-1 Wes Brown ('28)

Guðjón Baldvinsson var í byrjunarliði Kerala Blasters og lék allan leikinn þegar liðið bar sigur úr býtum gegn NorthEast United.

Guðjón var í byrjunarliðinu en á meðan byrjaði Dimitar Berbatov, fyrrum leikmaður Manchester United og Tottenham, á bekknum. Berbatov átti síðar eftir að koma inn á og var nálægt því að leggja upp mark fyrir títtnefndan Guðjón.

Eina markið í þessum leik gerði annar fyrrum leikmaður Manchester United, Wes Brown. Markið gerði hann með góðum skalla.

Lokatölur 1-0 og Kerala Blasters hefur ekki enn tapað síðan Guðjón kom til liðsins á láni frá Stjörnunni. Kerala Blasters er í fimmta sæti Indversku ofurdeildarinnar en efstu fjögur liðin fara í úrslitakeppni. Eins og er er Kerala Blasters einu stigi frá fjórða sætinu.

Hermann Hreiðarsson er aðstoðarþjálfari Kerala Blasters en David James, fyrrum landsliðsmarkvörður Englands, er þjálfari liðsins.





Athugasemdir
banner
banner
banner
banner