Nýir leikmenn Breiðabliks fóru á kostum þegar Kópavogsliðið lagði FH í Lengjubikar kvenna í dag.

Alexandra Jóhannsdóttir, fyrrum leikmaður Hauka kann væntanlega ekkert sérstaklega vel við FH. Hún skoraði fyrsta markið í leiknum og kom Breiðablik yfir í Fífunni.

Agla María Albertsdóttir, sem kom frá Stjörnunni, bætti við öðru marki fyrir leikhlé og eftir stundarfjórðung í seinni hálfleiknum var hún búin að skora sitt annað mark.

FH minnkaði muninn og var þar að verki Diljá Ýr Zomers en lengra komust Hafnfirðingarnir ekki.

Lokatölur 3-1 fyrir Blika sem voru að spila sinn fyrsta leik í mótinu. FH hafði tapað sínum fyrsta leik fyrir Val, 4-0.

Markaskorarar af urslit.net