IFK Gothenburg 1 - 0 Varbergs BoIS FC
1-0 Elías Már Ómarsson (75')
1-0 Elías Már Ómarsson (75')
Keflvíkingurinn Elías Már Ómarsson skoraði sigurmark Gautaborgar gegn Varbergs BoIS FC, sem leikur í næst efstu deild, í sænsku bikarkeppninni í kvöld.
Þetta var fyrsti leikur Gautaborgar í bikarnum en leikið er í fjögurra liða riðlum og er liðið komið á toppinn í riðlinum.
Hin liðin í riðlinum eru Sirius og Östers IF.
Haukur Heiðar Hauksson lék allan leikinn fyrir AIK þegar liðið sigraði Syrianska FC, sem leikur í 3. efstu deild, 2-1 á heimavelli í kvöld.
AIK er á toppnum í sínum riðli eftir fyrsta leik riðilsins en hin lið riðilsins eru Halmstads BK og IK Oddevold.
Þá spilaði Sif Atladóttir allan leikinn þegar Kristianstad gerði 0-0 jafntefli við Vittsjö en Elísabet Gunnarsdóttir er þjálfari Kristianstad.
Ingibjörg Sigurðardóttir var á sínum stað í vörninni þegar lið hennar, Djurgården, sigraði Örebro 3-0. Landsliðsmarkvörðurinn Guðbjörg Gunnarsdóttir sat á varamannabekknum allan tímann.
Athugasemdir