HK-ingar sigruðu Selfyssinga í leik liðanna á Selfossi í dag.

Ingiberg Ólafur Jónsson kom gestunum frá Kópavogi yfir eftir 24 mínútur og hélst staðan lengi vel þannig.

Í lokin færðist heldur meira fjör í leikinn þar sem þrjú mörk voru skoruð á fjögurra mínútna kafla.

Ásgeir Marteinsson tvöfaldaði forystu gestanna á 83. mínútu og aðeins tveimur mínútum síðar gerði hann útaf við leikinn.

Gilles Daniel Mbang Ondo minnkaði muninn fyrir heimamenn á 87. mínútu en ekki voru fleiri mörk skoruð og sigur gestanna því staðreynd.

HK er í 3.sæti og Selfoss í því 5. en nú er leikur Þórs og FH í gangi svo það er ekki endilega endanleg niðurstaða riðilsins.