Þrír leikir voru á dagskrá í riðli 3 í A deild Lengjubikars karla í dag.

Víkingur Ólafsvík og Keflavík mættust í Akraneshöllinni. Ekki var mikið skorað og var staðan markalaus þegar liðin gengu til búningsklefa í hálfleik. Fyrsta og eina mark leiksins kom á 79. mínútu en það gerði Gonzalo Zamorano Leon.

Ólafsvíkingar enda því í öðru sæti riðilsins en Keflvíkingar í því fjórða.

Haukar tóku á móti Fjölnismönnum að Ásvöllum þar sem liðin sættust á skiptan hlut. Gestirnir komust yfir með marki frá Antoni Frey Ársælssyni á 18.mínútu. Gylfi Steinn Guðmundsson jafnaði metin á þeirri 65.

Fjórum mínútu síðar fékk Sigurjón Daði Harðarson rautt spjald í liði Fjölnis. Þó voru ekki fleiri mörk skoruð og enda Fjölnismenn í 3.sæti riðilsins en Haukar í 5.sætinu.

Þá mættust Leiknir úr Breiðholtinu og Stjarnan úr Garðabæ í Kórnum í Kópavogi. Stjörnumenn fóru með 0-2 sigur af hólmi og enda í efsta sæti riðilsins og eru komnir í undanúrslit.

Leiknismenn enda hinsvegar í neðsta sætinu með aðeins eitt stig.