Engar líkur eru á að Erik Lamela, leikmaður Tottenham, verði meira með liðinu í vetur. Þetta staðfestir stjóri liðsins Tim Sherwood.
Lamela kostaði Tottenham í kringum 30 milljónir punda þegar félagið keypti hann frá Roma síðasta sumar. Er hann dýrasti leikmaður í sögu félagsins, en hann náði engan veginn að standa undir væntingum í vetur.
Argentínumaðurinn hefur glímt við mikil meiðsli og einungis þrisvar verið í byrjunarliðinu í úrvalsdeildinni. Orðrómur var uppi um að hann gæti náð síðustu leikjum tímabilsins, en svo segir Shewood ekki vera.
,,Það eru engar líkur á að Lamela verði klár. Ég las í blöðunum að einhver úr stjórninni hefði beðið mig um að gefa honum fleiri tækifæri," sagði Sherwood.
,,Það væru ágætis líkur á því ef hann væri í lagi, hann er hinsvegar meiddur."
Lamela hefur ekkert komið við sögu með Tottenham síðan hann kom af bekknum í leik gegn Stoke City þann 29. desember á síðasta ári.
Athugasemdir