„Við kláruðum þetta kannski fagmannlega. Við vorum orðnir nokkuð kaldir í lokin en sigldum þessu heim. Það voru margir sem fengu að taka þátt og það er fínt á þessum tíma."

Kjartan segir að ferðin til Spánar hafi verið mjög góð.

„Hún var frábær. Frábærar aðstæður og við vorum heppnir með veður. Við náðum að æfa vel og það eru allir frekar sprækir. Það er leiðinlegt að vera kominn heim en á sama tíma er tilhlökkun fyrir því að spila á grasi."

„Við náðum að þjappa hópinn vel úti. Þessir nýju fengu að syngja fyrir okkur og aðrir að dansa. Þessir menn sem hafa komið hafa smellpassað og það hefur verið bætt í þau skörð sem þurfti."

Kjartan fór í aðgerð á hné fyrir áramót en er allur að koma til.

„Ég hefði viljað vera kominn aðeins lengra í endurkomunni en þetta er ekki besta gras í heimi og það er álag á hnéð og alla liði. Ég tók mestmegnis þátt í öllu úti og leið bara vel. Ég er nokkuð bjartsýnn," sagði Kjartan.

Má ekki búast við því að KR verði spáð efsta sæti í Pepsi-deildinni í sumar?

„Það kæmi mér ekkert á óvart. Við ætlum að reyna að taka þátt í því. Það eru mörg flott lið.."

KR mun mæta FH í undanúrslitum á mánudaginn en viðtalið við Kjartan má sjá í heild sinni í spilaranum hér að ofan.