Eftir að niðurlægjandi tap gegn botnliði Parma um síðustu helgi á Juventus erfiðan leik gegn funheitu liði Lazio um helgina.

Lazio er eitt heitasta liðið í Evrópu um þessar mundir og kemur inn í leikinn með átta sigra í röð. Hafa stigin 24 lyft liðinu úr 5. sæti upp í 2. sæti og er liðið 12 stigum frá Juventus.

Þá fer einnig risaleikur fram á sunnudag þegar Inter og AC Milan mætast í nágrannaslag. Leikurinn hefur hinsvegar óvenju litla þýðingu í ár þar sem liðin eru hlið við hlið um miðja deild og eru ekki í baráttu á neinum vígstöðum.