„Við vorum bara slakari aðilinn heilt yfir, þó við höfum alveg fengið færi fannst mér Valur bara vera sterkari, sérstaklega í fyrri hálfleik,“ sagði Þorsteinn Halldórsson þjálfari Breiðabliks eftir tapið í úrslitaleik Lengjubikars kvenna í kvöld.
„ Við þurfum bara að fá meiri kraft í okkur bara. Við virkuðum mjög þreyttar og þungar, “ sagði hann um hvað mætti betur fara hjá liðinu fyrir leik liðsins á föstudaginn. „ Við bara vinnum í ákveðnum hlutum í vikunni og komum klárar í leikinn.“
„ Það er ekki búið að vera leikjaálag á liðið heilt yfir en bæði, U-19 og A-landsliðið eru búnar að vera að spila. Mikið af leikjum hjá þeim og hinar búnar að spila minna, “ sagði hann aðspurður um þreytumerki hjá liðinu.
„ Stemningin er fín, þetta er okkar slakasti leikur í langan tíma. Það er fúlt að tapa úrslitaleik en þetta er ekki stóri leikurinn, “ sagði hann að lokum.
Athugasemdir
