Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 17. maí 2018 19:51
Guðmundur Aðalsteinn Ásgeirsson
Pepsi-deildin: Lennon með tvö í sigri á KA - Fylkir lagði ÍBV
Lennon setti tvö fyrir FH.
Lennon setti tvö fyrir FH.
Mynd: Fótbolti.net - J.L.
Frá Kaplakrikavelli.
Frá Kaplakrikavelli.
Mynd: Fótbolti.net - Egill Sigfússon
Fylkir er með sjö stig. Það gengur ekki eins vel hjá Eyjamönnum.
Fylkir er með sjö stig. Það gengur ekki eins vel hjá Eyjamönnum.
Mynd: Fótbolti.net - Einar Ásgeirsson
Tveir leikir voru í Pepsi-deild karla í kvöld. Þeir áttu upprunalega að vera fjórir en tveimur þeirra var frestað vegna veðurs.

FH vildi fá frestun á leik sínum við KA, en Akureyringarnir tóku það ekki mál. Leikurinn fór fram við erfiðar aðstæður.

Fyrri hálfleikurinn var frekar tíðindalítill en strax í upphafi seinni hálfleiksins dró til tíðinda þegar FH-ingar fengu vítaspyrnu. Úr vítaspyrnunni skoraði Steven Lennon af öryggi.


Þegar rétt rúmar 20 mínútur voru eftir bætti Færeyingurinn hæfileikaríki Brandur Olsen við öðru marki og FH komið í 2-0. Elfar Árni Aðalsteinsson minnkaði muninn á 80. mínútu en fimm mínútum síðar kláraði Lennon leikinn fyrir FH með sínu öðru marki, 3-1.

FH komið upp að hlið Breiðabliks, með níu stig eftir fjóra leiki. Blikar leika sinn fjórða leik á morgun gegn KR. KA hefur fjögur stig og er á þessari stundu í áttunda sæti.

Inn í Egilshöllinni sigruðu sprækir Fylkismenn ÍBV.

Fylkir komst yfir á fimmtu mínútu þegar Jonathan Glenn skoraði eftir kjánaleg mistök hjá Derby Carrillo í marki ÍBV. „Hrikaleg mistök hjá Derby í markinu!! Misheppnuð hreinsun sem fer í bakið á Glenn og boltinn fer beint á Ragnar Braga á hægri kantinum sem sendir boltann fyrir og Glenn kláraði í autt markið," skrifaði Elvar Magnússon í beinni textalýsingu.

Staðan var 1-0 alveg fram á 89. mínútu; þá kom Hákon Ingi Jónsson Fylki í 2-0. Sigurður Arnar Magnússon minnkaði muninn fyrir ÍBV en það var of lítið, of seint.

Lokatölur 2-1 fyrir Fylki, sem er komið upp í þriðja sæti með sjö stig. ÍBV er á botni deildarinnar með eitt stig.

FH 3 - 1 KA
1-0 Steven Lennon ('48 , víti)
2-0 Brandur Hendriksson Olsen ('69 )
2-1 Elfar Árni Aðalsteinsson ('80 )
3-1 Steven Lennon ('85 )
Lestu nánar um leikinn

Fylkir 1 - 0 ÍBV
1-0 Jonathan Ricardo Glenn ('5 )
Lestu nánar um leikinn





Athugasemdir
banner
banner
banner
banner