Talsvert hefur verið rætt um undirbúning argentínska liðsins í aðdraganda leiksins.

„Hann var öðruvísi en okkar. Ég veit ekki hvernig ég að orða það en þeir nálgast hlutina öðruvísi. Þið (fjölmiðlar) hafið orðað það þannig að þeir hafi verið hrokafullir og það er eðlilegt. En ég og Heimir ræddum það í gær að það er gaman að koma á heimsmeistaramót og upplifa öðruvísi kúltúr."

Þeir mættu ekki út til að skoða völlinn við mætingu og upphitun þeirra var mun styttri en hjá Íslandi.

„Upphitunin var eðlileg hjá þeim, þeir eru aldrei meira en 20 mínútur úti. Það kom hinsvegar á óvart að þeir hafi ekki mætt út til að skoða völlinn."

Á skalanum 1-10, sem er besti skalinn, hversu vel tókst Íslandi að stöðva Messi að mati Freys?

„Ef ég á að vera í einkunnakerfinu þá er það eitthvað í kringum 9,5. Þetta var ótrúlega vel framkvæmt hjá strákunum. Þeir hafa afskaplega háa fótboltagreind og stórt hjarta. Menn hjálpuðu hvor öðrum. Messi tók tvo svona spretti sem eru stórhættulegir og geta sprengt upp heila vörn. En tveir svona sprettir frá honum er langt undir meðaltali. Þetta var afskaplega flott."

Sjáðu viðtalið í heild sinni í sjónvarpinu hér að ofan.