Lærisveinar Ejubs Purisevic tóku á móti nágrönnum sínum frá Skaganum í kvöld í 11. umferð Pepsi-deildar karla. Leikurinn endaði með 1-0 sigri Víkings sem fleytir liðinu upp í 7. sæti.
Lestu um leikinn: Víkingur Ó. 1 - 0 ÍA
Ejub var sáttur með stigin þrjú en að hans mati mátti margt betur fara í leik liðsins.
"Mjög gott að fá þrjú stig. Þetta var bara mjög erfitt allan leikinn, ég er ánægður með varnarleikinn heilt yfir en ég er alls ekki ánægður með seinni hálfleikinn hjá okkur. Í kjölfar rauða spjaldsins misstum við svolítið hausinn.Við enduðum hálfleikinn á því að fá tvö gul spjöld sem ég skil bara ekki. Við áttum að klára hálfleikinn og endurskipuleggja okkur inní klefa"
"Varnarleikurinn í seinni hálfleik var mjög góður en við eigum bara að halda boltanum betur. Við virkuðum bara þungir og kærulausir. Ég hefði viljað sjá okkur gera betur og halda boltanum og spila honum betur"
Víkingur hefur verið á góðu skriði núna og hafa þeir sigrað 3 af síðustu 4 leikjum, gegn Stjörnunni, FH og í kvöld ÍA og hefur liðið náð að lyfta sér upp í 7 sæti í kjölfar þessa sigra.
Viðtalið má sjá í heild sinni hér að ofan
Athugasemdir