„Ég brosi hringinn hvern einasta dag. Það er ánægjulegt að vera kominn aftur í hópinn eftir það sem hefur gengið á," segir Hólmfríður Magnúsdóttir landsliðskona.
Hólmfríður er komin á fulla ferð eftir fótbrot en segir að það hafi ekki komið til greina að missa af EM.
Hólmfríður er komin á fulla ferð eftir fótbrot en segir að það hafi ekki komið til greina að missa af EM.
„Ég missti aldrei hausinn og vann litla sigra. Stærsti sigurinn var svo að komast í lokahópinn."
Það hafa ýmis áföll dunið á kvennalandsliðinu í aðdraganda EM en Hólmfríður segir að það hafi styrkt liðsheildina.
„Ég hef aldrei upplifað eins góða liðsheild. Það róa allir í sömu áttina," segir Hólmfríður en Ísland mætir Frakklandi annað kvöld í sínum fyrsta leik á EM í Hollandi.
Viðtalið má sjá í heild sinni í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir
