Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 17. júlí 2017 06:00
Guðmundur Aðalsteinn Ásgeirsson
Mawson elskar lífið hjá Swansea
Mawson átti flott tímabil með Swansea.
Mawson átti flott tímabil með Swansea.
Mynd: Getty Images
Alfie Mawson er gríðarlega ánægður í herbúðum Swansea. Hann hefur verið orðaður við Tottenham að undanförnu, en hann segist vera meira en ánægður hjá Svönunum í Wales.

„Þetta eru bara sögusagnir. Það er gaman að heyra þetta, en ég er leikmaður Swansea og ég er meira en ánægður hér," sagði Mawson.

Mawson, sem er 23 ára átti mjög flott tímabil með Swansea á síðustu leiktíð og hjálpaði liðinu að forðast falldrauginn.

Hann kom til félagsins í ágúst á síðasta ári og skrifaði þá undir fjögurra ára samning.

„Ég elska að vera hérna. Ég vil halda áfram og gera frábæra hluti fyrir þetta félag," sagði Mawson.

Swansea mun vonast til þess að halda Mawson, en Gylfi Þór Sigurðsson er væntanlega á förum frá félaginu í sumar.
Athugasemdir
banner
banner