Spænski framherjinn Michu hefur lagt skóna á hilluna, 31 árs að aldri.
Michu sló í gegn hjá Swansea tímabilið 2012/2013 þegar hann skoraði 22 mörk í ensku úrvalsdeildinni.
Síðan þá hafa meiðsli sett stórt strik í reikninginn og Michu hefur nú neyðst til að leggja skóna á hilluna.
Á síðasta tímabili spilaði Michu með uppeldisfélagi sínu Real Oviedo en þar var hann meðal annars liðsfélagi Diego Jóhannessonar.
Michu skoraði eitt mark í 27 leikjum í spænsku B-deildinni á síðasta tímabili en nú er ljóst að hann leikur ekki fleiri leiki á ferlinum.
Athugasemdir