„Við hittum á Fjölni í stuði í dag," sagði Óli Stefán Flóventsson, þjálfari Grindavíkur eftir 4-0 tap í Pepsi-deild karla í kvöld.
„Að sama skapi voru við illa stilltir, við vorum í krummafóti í dag."
„Að sama skapi voru við illa stilltir, við vorum í krummafóti í dag."
Lestu um leikinn: Fjölnir 4 - 0 Grindavík
„Það vantaði mikið, en eins fáránlegt og það hljómar þá var ég ánægður með margt í sóknarleiknum, við vorum að reyna réttu hlutina, en síðasta höggið er að klikka."
Sumarið hefur verið frábært fyrir Grindvíkinga og Óli Stefán sagði það eftir leik að þetta væri slakasti leikur liðsins í sumar.
„Já, ég verð bara að segja að þetta hafi verið slakasti leikur okkar frá því í nóvember, frá því við byrjuðum."
„Það eina sem við getum gert er að læra af þessu. Gunni Nelson var sleginn í rot, en hann stendur upp og reynir að læra af þessu. Við verðum að gera það, það er hellingur að taka út úr þessu."
Viðtalið má sjá í heild sinni hér að ofan, en þar er Óli m.a. spurður út í félagsskiptagluggann sem nú er í gangi.
Athugasemdir