Ashley Cole og Robbie Keane eru á innkaupalistanum.
Harry Redknapp, stjóri Birmingham City, hefur staðfest áhuga á þremur reynsluboltum. Leikmennirnir sem hann er áhugasamur um eru Ashley Cole, Robbie Keane og Stewart Downing.
Redknapp vonast til þess að þessir leikmenn muni hjálpa sér að koma Birmingham í hóp bestu liða Championship-deildarinnar, en Birmingham var nálægt því að falla úr deildinni á síðasta tímabili.
Redknapp vonast til þess að þessir leikmenn muni hjálpa sér að koma Birmingham í hóp bestu liða Championship-deildarinnar, en Birmingham var nálægt því að falla úr deildinni á síðasta tímabili.
Cole og Keane hafa að undanförnu leikið í MLS-deildinni á meðan Downing var síðast á mála hjá Middlesbrough.
„Ashley Cole var að mínu mati besti vinstri bakvörður heims fyrir nokkrum árum. Hann var magnaður leikmaður," sagði Redknapp.
„Hann er í Ameríku. Ég veit ekki hver plönin hjá honum eru, en ef við getum fengið hann, þá hef ég áhuga."
„Stewart Downing og Robbie Keane eru líka frábærir fótboltamenn og ég hef áhuga á þeim öllum. Ég á samt eftir að tala við þá og þangað til ég geri það, þá veit ég ekki."
Athugasemdir
