Óli Jó og Haukur Páll.
„Þetta er geggjað, ég kom í félagið til að berjast um þetta og loksins er þetta í höfn eftir mörg ár. Djöfull er ég feginn maður," sagði Haukur Páll Sigurðsson fyrirliði Vals eftir að liðið varð Íslandsmeistari í kvöld.
Lestu um leikinn: Valur 4 - 1 Fjölnir
Það tókst þeim með 4-1 sigri á Fjölni á heimavelli sínum fyrir framan fjölda stuðningsmanna.
„Við vorum staðráðnir að fara hingað út í dag og njóta þess að spila fótbolta. Þó svo það hafi farið aftan í hausinn á mönnum að hin liðin unnu í dag dag og settu pressu á okkur var markmiðið okkar í dag að spila okkar leik og njóta þess að spila fótbolta."
Valur varð bikarmeistari síðustu tvö ár og svo Íslandsmeistari í ár. Liðið er mikið liðsheildarlið.
„Þetta er magnaður hópur. Við erum búnir að dreifa álaginu vel á leikmenn og það taka allir þáttí þessu. Það skiptir ekki hver er að spila í þessum hóp."
Nánar er rætt við Hauk Pál í sjónvarpinu að ofan þar sem hann segir meðal annars:
„Þetta tók smá tíma en það er ekki hægt að kvarta yfir tveimur bikarmeistaratitlum árin á undan. Svo tökum við þann stóra í ár, ég segi bara eins og Einar Karl, Óli er kóngurinn!"
Athugasemdir
