Arnór Ingvi Traustason.
„Þetta var stutt gaman. Ég fékk spark neðarlega í kálfann. Ég var búinn að vinna boltann og mér fannst glórulaust að negla svona í mann," sagði Arnór Ingvi Traustason við Fótbolta.net eftir 3-1 tap Íslands gegn Slóvakíu í kvöld.
Arnór varð að fara af velli strax á 17. mínútu vegna meiðsla eftir tæklingu frá leikmanni Slóvaka.
Arnór varð að fara af velli strax á 17. mínútu vegna meiðsla eftir tæklingu frá leikmanni Slóvaka.
Lestu um leikinn: Slóvakía U21 3 - 1 Ísland
„Þetta er mjög vont eins og er. Það var enginn kraftur í löppinni og ég vissi þá að þetta væri búið spil."
„Þetta var mjög mikið svekkelsi og ég er ennþá pirraður bara. Þetta gerist samt og er hluti af þessu."
Arnór Ingvi varð sænskur meistari með Norrköping á dögunum og byrjaði báða leikina gegn Póllandi og Slóvakíiu.
„Þetta er rúsínan í pylsuendanum að fá að vera með þeim hérna," sagði Arnór sem reiknar með að leika áfram með Norrköping á næsta tímabili.
Hér að ofan má sjá viðtalið í heild sinni.
Athugasemdir
