Bayern lagði Freiburg að velli með tveimur mörkum gegn engu en Arjen Robben og Thomas Müller skoruðu mörk meistaranna.

Roman Burki, markvörður Freiburg, var þó einn besti maður vallarins en það var ekki furða enda varði hann oft á tíðum á magnaðan hátt.

Bayern fékk 31 skot á markið en Burki hafði nóg að gera. Guardiola hrósaði honum eftir leikinn.

,,Við fengum 13 dauðafæri en markvörðurinn þeirra varði frábærlega. Ég verð þó að hrósa mínum leikmönnum fyrir þennan leik og núna þurfum við að fara inn í friið með sigri gegn Mainz," sagði Guardiola.