Martin Montyoa, leikmaður Barcelona á Spáni, mun líklega fara til Englands í janúar en umboðsmaður hans greinir frá þessu.
Montoya, sem er 23 ára gamall, er með öflugri hægri bakvörðum heims en hann hefur þó lítið fengið að spila þar sem Daniel Alves, Douglas og Adriano eru á undan honum í goggunarröðinni.
Juan de Dios Carrasco, umboðsmaður hans, ræddi um stöðu Montoya í gær en hann hefur verið orðaður við félög á bæði Englandi og Ítalíu en England þykir þó líklegri kostur í augnablikinu.
,,Það eru nokkur lið á Englandi sem eru tilbúin að bjóða í hann og mæta 15,9 milljóna punda klásúlunni sem hann er með," sagði Carrasco.
Liverpool er talið líklegast til þess að hreppa Montyoa en liðið mun að öllum líkindum losa sig við Glen Johnson á allra næstu mánuðum.
Athugasemdir