Króatíski miðjumaðurinn Luka Modric var valinn besti leikmaðurinn á HM félagsliða sem lauk í gær.

Real Madrid stóð uppi sem sigurvegari mótsins og varð þar með fyrsta liðið í sögunni til að vinna mótið tvö ár í röð. Madrídingar lögðu brasilíska liðið Gremio í úrslitaleiknum, 1-0.

Cristiano Ronaldo skoraði markið mikilvæga í úrslitaleiknum en það var Modric sem var verðlaunaður fyrir að vera sá besti á mótinu. Hann sýndi það hversu góður hann er.