Nígería er í 51. sæti á heimslista FIFA.
Nígeríska knattspyrnusambandið hefur staðfest að nígeríska landsliðið spili sex vináttuleiki fyrir HM í sumar. Nígería er með Íslandi, Argentínu og Króatíu í D-riðli.
Nígería spilar tvo vináttuleiki í landsleikjahléinu í mars og síðan taka við fjórir leikir í maí og júní fyrir HM í Rússlandi.
Eftir leik gegn Kongó í heimalandinu í lok maí fer Nígería til Englands til að spila vináttuleik gegn heimamönnum. Þaðan fer Nígería í æfingabúðir í Austurríki þar sem fyrirhugað er að spila tvo vináttuleiki áður en liðið fer til Rússlands þann 11. júní.
Nígería mætir síðan Króötum í fyrsta leik 16. júní. Næsti leikur liðsins á HM er gegn Íslandi 22. júní.
Ísland spilar fjóra vináttuleiki fyrir HM í sumar. Liðið leikur við Mexíkó og Perú í Bandaríkjunum í mars og síðan verða væntanlega tveir leikir á Laugardalsvelli í maí og júní. Ekki hefur verið greint frá því hverjir andstæðingarnir verða þar. Annar leikurinn á Laugardalsvelli verður líklega gegn þjóð frá Afríku en hinn leikurinn gegn þjóð úr Evrópu.
Vináttuleikir Nígeríu fyrir HM
23. mars Pólland - Nígería
27. mars Serbía - Nígería (Í London)
28. maí Nígería - Kongó
2. júní England - Nígería
6. júní Nígería - Tékkland (Í Austurríki)
9. júní Vináttuleikur - Óvíst með andstæðinga
Leikir Nígeríu á HM
16. júní Nígería - Króatía
22. júní Nígería - Ísland
26. júní Nígería - Argentína
Athugasemdir
