Brasilíska goðsögnin Pele segir Lionel Messi vera betri knattspyrnumann heldur en Cristiano Ronaldo.
Skoðanir hafa alltaf verið skiptar um hvor þeirra sé betri, því líklegt er að annar þeirra muni lifa í minningunni sem besti knattspyrnumaður allra tíma.
Skoðanir hafa alltaf verið skiptar um hvor þeirra sé betri, því líklegt er að annar þeirra muni lifa í minningunni sem besti knattspyrnumaður allra tíma.
„Það er sorglegt að ég fái bara að velja á milli tveggja leikmanna," sagði Pele við SporTV.
„Það hafa verið til svo margir hæfileikaríkir knattspyrnumenn eins og Johan Cruyff, Diego Maradona, Pele, Zico og Junior. Svo er líka Neymar, hann er að nálgast þennan stall."
Pele hefur áður tjáð sig um hver er besti leikmaður heims. Hann taldi Ronaldo vera bestan en skipti um skoðun fyrir nokkrum árum.
„Ég myndi kjósa Messi. Ronaldo er góður markaskorari en Messi gefur ótrúlegar stoðsendingar og getur stjórnað spilinu í þokkabót.
„Ronaldo er magnaður leikmaður en það leikur enginn vafi á því að Messi er betri í fótbolta."
Athugasemdir