„Ef hann er nógu góður fyrir þig, þá er hann nógu góður fyrir mig. Ef hann skorar nokkur í viðbót þá verð ég múslimi líka! Ef hann er nógu góður fyrir þig, þá er hann nógu góður fyrir mig. Sitjandi í mosku, þar vil ég vera! Mo Salah-la-la-la, la-la-la-la-la-la-la."

Svona hljómar nýjasti söngur stuðningsmanna Liverpool til egypska framherjan Mohamed Salah sem hefur farið á kostum í ensku úrvalsdeildinni á tímabilinu. Sönginn má heyra í sjónvarpsspilaranum hér að ofan.

Sjálfur er Salah greinilega að elska þennan söng því hann svaraði þeim sem póstaði honum fyrst á Twitter með þremur emoji köllum með hjörtu í stað augna.

😍😍😍

— Mohamed Salah (@22mosalah) February 15, 2018

Salah varð á miðvikudaginn þrettándi leikmaðurinn í 125 ára sögu Liverpool til að skora þrítugasta mark sitt á tímabilinu þegar hann skoraði gegn Porto í Meistaradeildinni. Sá síðasti sem náði þessu var Luis Suarez sem gerði það í apríl árið 2014.