Heimild: RÚV
Cantona fór á kostum á Íslandi.
Eric Cantona, ein mesta goðsögn sem klæðst hefur búningi Manchester United, var á Íslandi og fór víða. Hann hitti til að mynda Guðna Th. Jóhannesson, forseta Íslands og spjallaði við hann um íþróttir á Íslandi og eftirtektarverðan árangur Íslendinga á alþjóðavettvangi, ekki síst í knattspyrnu en einnig öðrum íþróttum.
Þá hitti hann einnig Heimi Hallgrímsson, landsliðsþjálfara, en mynd þess efnis birtist á Instagram.
Þá hitti hann einnig Heimi Hallgrímsson, landsliðsþjálfara, en mynd þess efnis birtist á Instagram.
Það athglisverðasta sem Cantona gerði hér á landi var kannski það að hann skellti sér í leikhús. Frá þessu er greint á vef Ríkisútvarpsins.
Eric Cantona er að fara að koma í Þjóðleikhúsið að horfa á Slá í Gegn í kvöld. Ég er ekki að djóka.
— Sigurður Þór (@skurdur) March 17, 2018
met Eric Cantona and crew yesterday. he wanted to interview me in the national theatre so we had a nice talk on the stage. I invited them all to the show and Cantona and friends came and watched a whole Icelandic musical. and more; they loved it! @Thjodleikhusid #sláígegn
— Jon Gnarr (@Jon_Gnarr) March 18, 2018
Cantona, sem reyndi fyrir sér í leiklist eftir að fótboltaferlinum lauk, fór að sjá sýninguna „Slá í gegn" í gær.
Samkvæmt heimildum RÚV fór Cantona í Þjóðleikhúsið þar sem hann tók viðtal við leikarann Jón Gnarr fyrir sjónvarpsþátt sem hann er að vinna að fyrir Eurosport.
Eftir viðtalið ákvað Jón að sýna Cantona atriði úr áramótaskaupinu árið 2016 sem vakti mikla ánægja hjá landsmönnum er það var sýnt. Í atriðinu er sagt frá Magnúsi Magnúsi Magnússyni sem á miklu erfiðleikum með víkingaklappið.
Hallgrímur Ólafsson, sem leikur hinn taktlausa Magnús Magnús, leikur í „Slá í gegn" með Jóni og ákvað Cantona, sem fannst atriðið, virkilega skemmtilegt, að skella sér á sýningu.
Á Cantona að hafa skemmt sér konunlega þrátt fyrir að hann skilji ekki orð í íslensku.
Update: Cantona elskaði sýninguna og er núna að sötra rauðvín með castinu.
— Sigurður Þór (@skurdur) March 17, 2018
Eftir að sýningunni lauk fór Cantona út á lífið með leikurum og starfsólki Þjóðleikhússins, sötraði hann rauðvín og tók nokkur spor á dansgólfinu áður en hann yfirgaf hópinn um miðnætti þar sem hann átti bókað flug til Senegal.
Hann fór ekki tómhentur heim því sjálfur Magnús Magnús Magnússon gaf honum nýja landsliðsbúninginn merktan „Cantona".
Cantona er algjör goðsögn hjá stuðningsmönnum Manchester United og er hann kallaður kóngurinn eða „Eric The King".
Cantona varð fjórum sinnum Englandsmeistari með Manchester United, fyrst 1993 og síðast 1997.
Athugasemdir
