Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 18. mars 2018 21:22
Ívan Guðjón Baldursson
Noregur: Samúel Kári kom inn í góðum sigri
Mynd: .
Samúel Kári Friðjónsson byrjaði á bekknum hjá Vålerenga er liðið fékk Odd Grenland í heimsókn í norsku efstu deildinni í dag.

Samúel var skipt inn í hálfleik og færðist fjör inn í leikinn í kjölfarið, þar sem Simen Jukleroed klúðraði vítaspyrnu fyrir heimamenn skömmu síðar, rétt áður en Bilal Njie kom gestunum yfir.

Jonatan Tollas var þó ekki lengi að jafna fyrir heimamenn og kom Sam Johnson þeim yfir skömmu síðar.

Meira var ekki skorað og annar sigur Vålerenga í tveimur fyrstu leikjum tímabilsins staðreynd.

Viðar Ari Jónsson sat þá allan tímann á bekknum er Brann hafði betur gegn Bodo/Glimt.

Þetta var fyrsti leikur Brann á tímabilinu, en Bodo/Glimt sigraði Lilleström í fyrstu umferð.

Vålerenga 2 - 1 Odd
0-1 Bilal Njie ('58)
1-1 Jonatan Tollas ('60)
2-1 Sam Johnson ('66)

Brann 2 - 0 Bodo/Glimt
1-0 S. Skalevik ('18)
2-0 V. Wormgoor ('42, víti)
Athugasemdir
banner
banner
banner
banner
banner