Heimamenn áttu góðan leik og kennir Puel óheppni um tapið.

„Ég er í smá uppnámi núna því við áttum ekki skilið að tapa. Morata skoraði úr eina færi fyrri hálfleiksins, það var erfitt að fá mark á sig rétt fyrir leikhlé," sagði Puel.

„Ég er stoltur af strákunum því þeir komu grimmir inn í síðari hálfleikinn og áttu skilið að fá meira út úr þessum leik."

Kasper Schmeichel gerði skelfileg mistök sem leiddu til sigurmarks Pedro. Schmeichel missti af boltanum í úthlaupinu og skallaði Spánverjinn smái knöttinn í autt net.

„Kasper hefur alltaf verið stórkostlegur markvörður. Það er alltaf hægt að gera mistök, hann er stórkostlegur þrátt fyrir mistökin.

„Ég get ekki kvartað undan honum, hann er frábær markvörður. Við vorum óheppnir."