Aron Einar Gunnarsson, fyrirliði íslenska landsliðsins og leikmaður Cardiff City í ensku úrvalsdeildinni er afar þakklátur fyrir stuðninginn sem hann hefur fengið undanfarna daga en hann er sakaður um að hafa lekið byrjunarliðið félagsins í leik gegn Crystal Palace.
Aron var sagður hafa lekið upplýsingum um byrjunarlið Cardiff fyrir leikinn gegn Crystal Palace í byrjun mánaðar en íslenski miðjumaðurinn hefur þegar fundað með stjórn félagsins, sem tók útskýringar hans gildar.
Ole Gunnar Solskjær, stjóri Cardiff, segist styðja Aron Einar í þessu máli og sama má segja um leikmenn félagsins en Aron segist afar þakklátur fyrir stuðninginn.
,,Ég er gríðarlega þakklátur fyrir stuðninginn, kann virkilega að meta þetta," sagði Aron á Twitter.
Stuðningsmenn Cardff hafa tekið vel í það og styðja hann í þessu en hann hefur fengið mörg falleg skilaboð á samskiptavefnum síðustu daga.
Athugasemdir